بالدم هكتب قصتى

بالدم هأكتب قصتى...وعلى خدى سايلة دمعتى
اصل الحكاية بتبدى....من النهاردة فى شقتى


سمعت احداث عالملا...تقول خلاص على اللى جرى
شاب حلوية وسكرة....معاه شباب ايه ياترى


معاه شباب حلوين قوى....متغندرين وشيك قوى
ماسك ايديهم بالقوى.......ومن كنيسته بيرتوى


اصل الشباب دول أصحابه...و ياما خبطوا على بابه
كانوا فى عيونه أحبابه....ياما شربوا شاى على اعتابه


واليوم خلاص وقت السفر...وهيلبسوا اكاليل الظفر
من النهاردة مفيش سمر....مفيش دراسة مفيش عمل


راحوا الكنيسة فرحانين....مع الرعاة الساهرين
مع الملايكة مرنمين....انشودة للرب القدير


اليوم مخلصنا اتولد....عشانا وعشانا اتجلد
لأجل ما يكمل العدد.....بقوة الرب الأسد


فى القداس كانوا مبسوطين...بميلاد فادينا عمانوئيل
وخرجوا برة مش عارفين....ان النهاية كانت انين


سفاح بيرمى ضربته....بركان ثاير فى شظيته
مايعرفش ان رميته....هتصيب شباب فى نزوته


رحل العريس الشاب فوق....والهنا قاله اصحى فوق
راح انزع منك كل شوك........وشمس يومك تبقى شروق


دا انا الفادى ومكتوب عنى .... نقشتك يا ابنى على كفى
وراحتك دى يا ابنى فى حضنى.....ولا حدش يخطفك منى


على الأرض الدنيا اتغيرت.... وفرحة امه اتبدلت
أخته م الحزن اتبهدلت.......بدموع عنيها اتعطرت


يا امى شيلى دمعتك..... دا يسوع غفر خطيتك
ومعاكى وسط محنتك... فى ضحكتك وفرحتك


اليوم ابنك طلع ليسوع....هيا افرحى وبلاش دموع
وقلبك لو فضل موجوع.... كلام قلبك عنده مسموع

صعبةةةةةةةةة اووووووووووووى
باامانة انا بكيت
وطبعا هما فى مكان احسن من هنا
ميرسى كيرو

ديه دونيا ولا ديه غابه ولا مدينه ديابه
كل واحد شايل عزابه والرب ليهم فاتح بابه


اكيييد ربنا مش هيسيب حقهم وربنا اقوى من اى حد

فعلا كلمات تبقي العين الفرحانة وتخطف البسمة من وجوة الحبايب اليوحشونا ووحشو اهاليهم بس اكيد المسيح نيح نفسهم وفي مكان احسن مننا

شكرا هانى ورينا ورامى ونانا شكرا بجد على ردكم على موضوعى