ارفع رأسك أنت مسيحى قولها بفخر لكل الناس
مش بنخاف من غول إرهابى ولا حتى من ضرب رصاص
أرفع رأسك وسط العالم م انت الملح وأنت النور
متخافشى من حكم الظالم خلى قلبك قلب جسور
أرفع رأسك وأرفع أيدك مهى أيدك مرسومة بصليب
اللى عليه أتصلب سيدك وعشانه اتحمل تعذيب
أرفع رأسك واوعى تطاطى عمر الشر ما يكسر عينك
لا سلاح ابيض ولا مطاطى أفخر بصليبك وبدينك
أرفع رأسك واوعى تخاف ده إلهك هو اللى حاميك
هم ديابة واحنا خراف حضن ألهك بيدفيك
ارفع راسك وارفع صوتك عمر الظلم ما بات منصور
واخرج من خوفك وسكوتك بعد الظلم هيجى النور
أرفع راسك وأبكى بدمعك أصل دموعك مش منسية
كل اهه قولها سامعك متخليش نفسك محنية
أرفع راسك قوله يا رب أظهر ذاتك واظهر مجدك
دمعنا فاض م العين والقلب غالى دم ولادك عندك
أرفع رأسك لو مقطوعة خليك ميت وانت رافعها
دى الراية هتفضل مرفوعة دم الشهداء هو رافعهاا
