بس هاعيط
راضى او مش راضى بس هاعيط
يمكن فى عياطى ارتاح وافوق
وان ماحصلش يمكن اموت وارمى
نفسى من تحت لفوق .بس هاعيط
معايا او معاييش معروف او مدارى
او متسيط لو فى الضلمة ولا النور
مش فارقة ساعتها بس سيبونى
خلاص مات الشوق .بس هاعيط
راح اسكت ولا اتكلم او حتى ازيط
يمكن صوتى يروح للناس ايوة مات
جوايا الاحساس ادينى برضة عايش
ميت وخلاص .بس هاعيط
مسجون جواها من غير سجان ولا باب
ولا مبنى سور وحشة الضلمة وفين
النور قلت لنفسى امهلنى شوية
يمكن اروق .بس هاعيط
يمكن اكون عارف مصيرى او
معرفوش ولا خنقت بأيدى طيرى
او ماشى عكس سيرى والمخالفة جاية
جاية وانا مش شايف بعنية مع انى
انا اللى بسوق .بس هاعيط
عمال المس جروحى جرح جرح وكل
جرح لة قصة وشرح مرة منى ومرة
منها يلعن الظروف الغبية وفاجئة
لاقيت جرح فيا مش متخيط .بس هاعيط
مش فاهم ولا واهم ولا فى جروحى
انا مساهم هى فين ف وسين ايوة
ليها كل شوق كان حقيقة ولا
حريقة ودخان مشيط .بس هاعيط
بس هاعيط